100 బారికేడ్స్ ను అందించిన మెడికవర్ హాస్పిటల్
జిల్లా ఎస్పీ జి.కృష్ణకాంత్
నెల్లూరు క్రైం, ఏప్రిల్ 21 (స‌దా మీకోసం) :
నెల్లూరు న‌గ‌రంలోని ఉమేష్ చంద్ర కాన్ఫరెన్స్ హాల్ వద్ద 7 లక్షల విలువ గల 100 మూవబుల్ బారికేడ్స్ ను జిల్లా ఎస్పీ జి.కృష్ణకాంత్ కి నెల్లూరు మెడికవర్ హాస్పిటల్స్ యాజమాన్యం స్వయంగా అందించింది.
ఈ సంద‌ర్భంగా మెడికవర్ హాస్పిటల్ సెంట్రల్ హెడ్ మాట్లాడుతూ, పోలీసుశాఖకు త‌మ వంతు సహకారంగా, ట్రాఫిక్ నియంత్రించుటకు బారికేడ్స్ అందించిన‌ట్లు తెలిపారు.
పోలీసు శాఖకు ఎటువంటి తోడ్పాటు అందించడానికైనా సిద్దం ఉన్నామ‌ని అన్నారు.
నెల్లూరు మెడికవర్ హాస్పిటల్స్ యాజమాన్యం దాతృత్వానికి పోలీసు శాఖ తరపున జిల్లా ఎస్పీ జి.కృష్ణకాంత్ హృదయపూర్వక ధన్యవాదాలు తెలిపారు.
కార్యక్రమంలో జిల్లా ఎస్పీ తో పాటు అడిషనల్ ఎస్పీ.(అడ్మిన్) సి.హెచ్‌. సౌజన్య, టౌన్ డిఎస్పీ సింధు ప్రియ, మెడికవర్ హాస్పిటల్స్ చైర్మన్ అనిల్ క్రిష్ణా రెడ్డి, సెంట్రల్ హెడ్ డా.ధీరజ్ రెడ్డి, మార్కెటింగ్ మేనేజర్ సతీష్, ట్రాఫిక్ సిఐ లు వెంకటరెడ్డి, రామకృష్ణ, ఎస్‌.బి.-1 సిఐ వెంకటేశ్వర రావు, ఎస్‌.బి.-2 సిఐ శ్రీనివాసరెడ్డి తదితరులు పాల్గొన్నారు.
